الرئيسية / كلمات الأغاني / كلمات مهرجان اجدع راجل بيكا البرنس

كلمات مهرجان اجدع راجل بيكا البرنس

كلمات مهرجان اجدع راجل (موزه وتكيلا) حمو بيكا مع حسن البرنس مكتوبة كاملة، اغنية راجل لراجل الطيبة دي بت لذينة بالكلمات مزة وتكيله شرب ورزيله قلبي دفنتو كلنا هنموت موته واحدة.

فلة على اي مؤدب طلقة في عين الحساد تغلط عندنا تتوضب فارس يتفاتله بلاد.
اصحى في كرموز يارياسة روق هنا علي الطاسة قبل ما تدخل دايرتنا لازم تكون جاي بحراسة.

يلا حصوة في عين العدا عينك الا متبصش كدا
فرحتنا دي خاربة الدنيا شرف عيتله الباشا زين رضا.
هنا ابطال في زمان بياع غدر وجرح ولوي دراع الصمت ده لغة العظماء عيلة الزول بالاجماع.

مهرجان اجدع راجل بيكا البرنس

راجل لراجل

  • راجل لراجل انزل واتعامل انتو عيال ارايل كلو اسامي على الفاضي.
  • قلبي دفنته خوفي ركنته صاحبي انا صنته واحكم يا قاضي.

اضحك بينلي شفايفك ضلمة والله مش شايفك ثورج هعمل مش عارفك بس هفاجئك انت تخاف
اوعى يلا تنفخ زورك تغلط انا هلغي حضورك تفضل مستني في دورك يا اما ايبلك الاسعاف.

  • اصحابي اللي مفيش منهم نفسي ادفنهم واطلع حي مبشوفش انا الا خساير كباس طاير بركان جاي.
  • انا رابط الجرح بواير سخن وفاير هتقول اه مسيلي على احلى دواير علقلنا يازميلي على الشاي.

اندماجنا دا جاي بمزاجنا معاويج وكل العدة عوجنا لو كنت فارس هنا فرجنا
عاوزين نشوف عرض ملوش حل احنا التحامنا سبب انتصارنا
قطعنا ايد اللي يخسرنا غيبنا وشقينا احنا اتكسرنا في جهتنا حزب مساء الفل.

  • شدة وهتزول قلبي انا مقتول مش شايف اصول شايف عين حسودة.
  • قرش في جيبي كله حبيبي الاوجاع نصيبي وانتو قلوبكم سودا.

هضرب عند اللي يشيلها لا انا ضد الحبسة اخصام بالحبسة شايلها نصها قاعد في البيت
بتثورج ليه ياحيلتها ياحزب شورتها يا افشل شبل متسلق مش متالق هنا تتفلك بعد وقبل.
اخصام مين ده انتو برايز اوعى تثوروا ياولاد الهبل واللي يثورج يتكتف هنا يازميلي في اوسخ حبل.

لفيت جوبي المتكلف عزوة انا عندي كتيبة ده السبع اكيد هيخلف سبع ولابس وش الهيبة.
يلا اضرب مين هيهمك كلنا هنموت موته واحدة والفكر يزود همك انت معاشر عالم جاحدة.

الطيبة دي بت لذينه

  • ده كويس اني مشيت علشان منكو اتاذيت لما انا ليكم وفيت انتم اللي جرحتوني.
  • مش عايز زمايل ده انتو عملتو عمايل والنعمة زاولتوني.
  • الطيبة دي بت لزينة بعيدة علينا اصل احنا ديابة ضهرنا هو اللي حامينا وجيت بايدينا يلا اي عصابة.

لو تسال هيقولو عمك وحارق دمك لا ده انا بابا.
بقى عندي فلوس حبوني وصبحوا عيوني اللي بشوف بيها
معيش القرش خانوني بعد ما حطوني انا قاعد فيها وانا هفضل سيد الكل انا عمري ما اقل
انا فارس الجيهة واللي يجيلنا بسكينة يلبس فيها يبقى يخبيها.

موزه وتكيلا

  • موزه وتكيلا شرب ورزيله والعيشة نيلة نفسي في يوم افوق.
  • شارب وغايب بضرب صايب فين الحبايب على الدغري انا مخنوق.

قد يهمك الاطلاع كلمات مهرجان انا عيني على التاتو