الأربعاء , سبتمبر 26 2018
الرئيسية / كلمات الأغاني / أغاني مصرية / كلمات مهرجان العالم الفاسد الجزء 2 – حمو بيكا وقدورة

كلمات مهرجان العالم الفاسد الجزء 2 – حمو بيكا وقدورة

كلمات مهرجان العالم الفاسد الجزء 2 حمو بيكا

أتفضلوا كلمات الجزء الثاني من “مهرجان العالم الفاسد 2” أنظر حولك مكتوب كامل لحمو بيكا مع مودي أمين الفرقة الأشهر على الساحة الغنائية حتى الآن ويشاركهم بالغناء علي قدورة اما الكلمات فهي من تأليف الشاعر الفاجر وقام بتأليف الألحان والتوزيعات فيجو الدخلاوي، طبعاً المهرجان غني عن التعريف ومنتشر إنتشار رهيب الفترة اللي فاتت وده السبب اللي خلاهم يفكروا أنهم يعملوا الجزء الثاني من كلمات مهرجان العالم الفاسد الأول والصراحة انا شخصياً سمعت زيادة عن مائة مرة وأنصحكم بالإستماع لأنه من المهرجانات الجامدة لحمو بيكا والمسايات فيه للصعيد دولة الرجالة، ليه مانهتمش أكتر بحاجة هي السبب في إظهار ثقافة شعب حتى لو هي مظهر من مظاهر التخلف ممكن قدام مع الوقت تطور وتكون شكلها ومزيكتها أحلى الفكرة انا مش بحب الناس اللي تهاجم الحاجة أو اللون الجديد لمجرد أنه جديد أو لفكرة أن رأيهم فيه مش حلو، ولإن إختلاف الأذواق سنة الكون ماينفعش ندي آراء سلبية طول الوقت ماكنش دينا قالنا إن الكلمة الطيبة اللي تفرح بيها غيرك صدقة عنك وفضل الصدقة عظيم أنا بس عايز الناس اللي بتهاجم شغل المهرجانات يعرفوا إن كل واحد فينا ربنا خلق فيها الحاجات اللي تخليه متسير لرزقه ده حاجة تفهمك إن لا ينفع حكمك حد ولا ليه فايدة، بالعكس محمد رمضان مثلا في الكليب بتاع نامبر وان كان بيتكلم على الحكاية ديا وقد إيه شاف إحباط من الناس أعداء النجاح وأي حاجة مختلفة أو مش على ذوقهم سبحان الله دايماً اللي تلاقيه أتظلم من الناس وقالوله إنت مش ناقع يمُر الوقت ويبقى مش نافع غيره وكأنها أتخلقت له في اليوم اللي الناس قررت تحبطه فيه، ودي حاجة لوحدها تعلمك إن تعرف إنك ماشي صح لما تلاقي كل اللي حواليك بيقولوا ليك إنت شكلك ماشي غلط صدقني حاجة وحطها في دماغك أي قرار هتأخذه في حياتك مش هتلاقي كل الناس متفقة عليه وده مش المفروض يضايقك بالعكس ده يأكدلك أن القرار الوحيد اللي هترتاح فيه هو اللي هتفكر فيه بعقلك إنت محدش هيعرف اللي يرضيك غيرك كل اللي عليك أتحمل نتيجة قراراتك يعني خليك قدها أحسن ما تفضل تسأل اللي حواليك عن رأيهم في اللي يرضيك ويسعدك هيرضيك فعلاً ولا لا حتى شايف مش لايقة مش متظبطة مع بعضها فكر صح وعلشان ماطولش الكلام أتفضلوا النسخة المكتوبة من كلمات المهرجان.

كلمات مهرجان انظر حولك كلمات مهرجان العالم الفاسد الجزء 2   حمو بيكا وقدورة
بوستر كلمات مهرجان انظر حولك حمو بيكا العالم الفاسد 2 ومودي امين مع قدورة وفيجو الدخلاوي

كلمات مهرجان أنظر حولك العالم الفاسد 2

الرمل دي أخطر نوة ملايين يابا مش شغلة حوة اللي تسيطر بره وجوه

(المقطع الأول من مهرجان العالم الفاسد الجزء الثاني يشارك فيه كلٍ من حمو بيكا و مودي أمين)

الرمل دي أخطر نوه ملايين يا بابا مش شُغلة حَوّة اللي مسيطرة برا وجوا الليلة هتقوم بركان

هنا أرض رجولة مش ناقصة على القاسي بتجرح وبتقسى في الرمل نأكشن والعقصة طلقة تصحي السكان

العصقى دي قاسية وجاحدة هتسوقها تقدم على وحدة دايماً ماسكين لكم على الواحدة واخدين الحرب معيشة

تتعزم في سوهاج القرة طلقة تسافر تطلع بره ممنوع يثورج أيها عَرّة دي عرابة أبو جريشة

ملوك الصعيد يا ملوك الكون كُل الحَمل تعمل بارودن أصحاب إدارة ترشق في الجون شاقين قلوب الأعداء

لما أحنا خربنا بيوتهم لو يجيو ويعلو صوتهم لما يلاقو القطر يفوتهم يمكن يستكفوا غباء

من غير هرتلة يا مريح هتثورج دمك هيريح تيجي على الأرض تنام وتريح وتشوف في الدنيا عجايب

في الإرشاد نسوان بايشة حبة عيال حصالة وطايشة من الآخر مَيّتة مش عايشة واخدين من الأرض ضرايب

كلها في الشدة بتركن جاية معاك إنك مش ممكن جَرّش فيها تلبسلك جركن وتشوف تنطيط على الحيطة

لو تشتم هتلاقي قذيفة ولا منقذ ولا حتى أستيفا يالا هندخل عاركة نضيفة انا داخل مع بارتيته

(الكوبليه الثاني من مهرجان أنظر حَولك 2 يبدأه بيكا ويرد عليه مودي أمين)

أنظر حولك لو أعمى شوف قواتنا الآسية الداعمة انا كاره المخاليق والنعمة مافي حد في جرحي دواني

تقدر على حاجة على جنب أوعى تثور وتفرقع بومب هتقل هنا تشعر بالذنب هتموت مش راجع تاني

وبرش الرش في جسمي انا خايف أتجنن رسمي أمتى يا دنيا في يوم تبتسمي وبلاش حزن و تقطيع

مش هايب الدنيا ومطاريشها انا على الكل هروح وأعيشها ناس في الحلو تروح تفرشها كلها بتخون وتبيع

ناس الحب مالاقش عليها وفي أي عزومة بترميها لو تغلط هقطع رجليها تخلص كلها بتخون

يأكلو يبقلحو 100 راصد على رزقك بينمر قاصد نرجع تاني للعالم الفاسد عاقل تعمل مجنون

يقعدوا يتغدوا في دارك ويشاركو في رزقك وحوارك إنت تخاف على أحزان جارك وجارك يرميلك شوك

إخوات وشقايق مافي بايظ أي كلام حامض مش عايز زمن التنابلة بيأخدو جوايز هتعيش طيب يأكلوك

هنا جن بجن بيتجزأ بقى كله محزق وملزق لو مُحترم لازم تتهزق هيقولوا إن إنت عبيط

مشى إبليس بدع في غرايزه في الإفساد راح يأخد الأيزو عُمري يروح والله مش عايزه ما خلاص كنسلت لغيت

(غناء رتيب بصوت الكروان علي قدورة من أغنية جدع بلا جاه)

جَدع بلا جَاه مَرّسى الهَمُوم قَلّبهُ ~ دايّمَاً يقوول الآهـ ، والذنب مِش ذَنّبهُ

ده أنا لو شَكِيت و بِكيت جَبَل الحَديِد هيدوب ’’الأولة غُربِتي و التَانيّة المَكتُوب’’

بَلدِي قُصاد عَيّني و قلت أعدِيلّهَا ي مَراكْبي رَسّيِني و يا رب عَدَلّها | اللي يَعاديك تَعَاديه و تفرّجَهُ فَنُونَك

واللّي يَراضِيك تَرَاضيه و تشِيلهُ فِ عَيوُونَك

(المهرجان خلص واللي جاي لمحبين المسا يبدأ من هنا)

محمد أبو عوض ده القمة هيئة تشرف كل الأمة قاطع إيدين الأفاعي السامة ميهابش في يوم من شر

عوض أبو عوض الأخ بدافعة وسوهاج في مصر مدافعة خلّا الأعادي ميتة مش نافعة ومعاه شايفين المُر

حمادة هشام مركز تعذيبه جسمه بيحلم أنه يسيبه هان الأسود لو حقه يجيبه فوق للفرحة المنتظرة

أحمد الصامبو المسا للبيه لو راح له شعب يحط عليه كل البشر تحذر معاليه والكل هيلقي نظرة

انا قائد على أسطولي بتنطط في الدنيا بطولي أحمد البرديسي ده الفارس وقت حروبه ماتشوفش فوارس ماعرفش أخاف ربك ده الحارس لو حتى واقف قناصة حوده كمال يا عريسنا منور الكاميرات من فوق هتصور بالرقص ياصاحبي هنتهور وراثيين رجولتنا وراثة

عايش حياتي يا زميلي بمزاجي دي النزاهة سلطتي وعلاجي على الدوغري فخور بأخواتي مسا الرجولة ومساء الورد أتعزم في سوهاج الجارح ناصبة الحروب الأرض مسارح ممنوع يسوقها ولاد إمبارح لا يشوفوا نعيم ولا عز

جوه السوق جددت نشاطي لو الرجولة ياخدوها تعاطي علشان خواتي هتروح حياتي الجنتلة أرضه ودستوره قرشين شمال يخلعوا ويغوروا على حمو بيكا ده ملك السوق مودي أمين يعني الكروان علي قدورة صحصحله وفوق خاربها من مصر لأسوان شبحنا فيجو فوق أحنكور ملك الشبح كلكم نسوان كتب كلامنا الشاعر الفاجر ده اللي مربي الكل آكلان حوده يعني الإدارة قول للزمان إرجع يا زمان

إنتهينا من كتابة كلمات مهرجان العالم الفاسد 2 أسيبكم الآن للإستمتاع بالإستماع لمهرجان بيكا الجديد تابعونا دائماً.

العالم الفاسد 2 حمو بيكا

لا تذهب دون ترك تقييمك للموضوع

rating start كلمات مهرجان العالم الفاسد الجزء 2   حمو بيكا وقدورةrating 1 on كلمات مهرجان العالم الفاسد الجزء 2   حمو بيكا وقدورةrating 2 on كلمات مهرجان العالم الفاسد الجزء 2   حمو بيكا وقدورةrating 3 on كلمات مهرجان العالم الفاسد الجزء 2   حمو بيكا وقدورةrating 4 on كلمات مهرجان العالم الفاسد الجزء 2   حمو بيكا وقدورةrating 5 on كلمات مهرجان العالم الفاسد الجزء 2   حمو بيكا وقدورةrating end كلمات مهرجان العالم الفاسد الجزء 2   حمو بيكا وقدورة (1 votes, average: 5.00 out of 5)
loading كلمات مهرجان العالم الفاسد الجزء 2   حمو بيكا وقدورةLoading...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *