الأربعاء , سبتمبر 26 2018
الرئيسية / كلمات الأغاني / أغاني مصرية / كلمات مهرجان ادمان – تربيل الزعيم

كلمات مهرجان ادمان – تربيل الزعيم

كلمات مهرجان ادمان تربيل الزعيم

أقدم لكم كلمات مَهرجان “إدمان” كامل مكتوب قصة إدمان للزعيم ناس كتير مروا بيها من أداء تربيل الزعيم والريمكس عامله دي جي إيفا الدولي وفعلاً هو يستحق يتعمله ميكس وكان موفق فيه، اما قصة كلمات المهرجان عن شاب دخل في سكة إدمان ومر بتجاربها الوحشة كلها وبيوصفلك فيه الطريق بيخيلك تتعايش معاه الأحداث علشان كده اللي ألف الكلمات دي وش لبس الإبتلاء ده لو ماكنش هو صاحب الحكاية، عايز تدمر إنسان دمرله عقله وخدها خطوات على الدوغري إبدأ اقنعه بالسيجارة الأول بعد كده ماتخافش عليه هيعرف يكمل الطريق لوحده الكيف وبعدها تتعرف بالمخدرات اللي تدمرلك خلايا مُخك ببساطة ماتسمعش كلام حد يقولك الحشيش لاء الكلام ده بتنجان عايز تتأكد بنفسك إن اللي قالك كده حمار وجاهل جرب بطل فترة تلات شهور شوف نفسها بعدها طول المُدة لستة أشهر وشوف تفكيرك هتغير إزاي وربنا هيساعدك ولعلمك الحكاية كلها إقتناع وعايز أسهل طريق تبعد بيه عن حاجة بتأذيك أعرف الضرر اللي بتوقعه عليك وأكره اللي بيحصل فيك لإنك متستاهلش تعيش العيشة دي ولو المُخ ماكنش له لازمة ماكنش اللي خلقنا أنعم علينا بيه أكبر نعمة عندك هي عقلك علشان كده أخطر أذية إنك تخدره وتغيبه عن الحقيقة، عموماً ده طريق كله شر وكل حد جرب وربنا رفع عنه الإبتلاء فهم إن كان دافن نفسه لما دفن مخه أسيبكم مع الكلمات.

كلمات مهرجان ادمان كلمات مهرجان ادمان   تربيل الزعيم
بوستر كلمات مهرجان إدمان مع جوان غناء تربيل الزعيم

كلمات مهرجان إدمان

(المقطع الأول لكلمات مهرجان إدمان كامل)

إنسان الكيف غواه خده للإدمان رماه ولا عارف مين عليه ولا عارف مين معاه

وكل يوم إدمانه يكتر حشيش وبيرة من غير ما يفطر وصُحبة ضالة أتلم عليها حسنات تقل ذنوب بتكتر

نبدأ حكاية نقول موضوع عن شاب عاش حياته موجوع لا أم عاجبها حال ضناها ولا من أب كلام مَسموع

قبل الإدمان كان ماشي مظبوط للخير سبيل ولا فرض يفوت بدأت قصة حبه بواحدة وعشانها كان ممكن يموت

ويوم بيوم طلباتها زادت طب هي حبت ولا لسة وهي طلعت خاينة بانت وهي دي زتونة القصة

دخلت في حالة الإكتئاب دموع لحد ما قلبه داب

رماه شيطانه لأصحاب السوء وساب طريق الخير وغاب

سيجارة ولفت اللفة و صُحبة تهد مستقبل يقول خلاص مُخي إستكفى في سم عَمّال يستقبل

(غناء رتيب بصوت الزعيم)

ندمان يا ربي و نفسي أتوب ، غرقان في بحر من الذنوب

نَدمان يا رب ونفسي أتوب غرقان فِ بحُور من الذنوب

(المقطع الثاني من مهرجان إدمان)

عايز يقول والناس تسمع والكل بيخاف وبيرجع دموع من العيون بتنزل كلام كتير فِ القلب يوجع

وفجأة فاق من كتر هَمّه لقاه في وسط أبوه وأمه، أبوه حزين عَ اللي إبنه فيه والأم بالأحضان تَضُمه

ونفسي هو يقول سماح ندم وحزن على اللي راح رجع لأصله لربه قرب وواحدة واحدة ينسى اللي راح

لحد هنا خلصنا كتابة كلمات مهرجان إدمان أسيبكم مع فيديو كليب المهرجان من توزيع إيفا الدولي

إدمان الزعيم

لا تذهب دون ترك تقييمك للموضوع

rating start كلمات مهرجان ادمان   تربيل الزعيمrating 1 on كلمات مهرجان ادمان   تربيل الزعيمrating 2 on كلمات مهرجان ادمان   تربيل الزعيمrating 3 on كلمات مهرجان ادمان   تربيل الزعيمrating 4 on كلمات مهرجان ادمان   تربيل الزعيمrating 5 on كلمات مهرجان ادمان   تربيل الزعيمrating end كلمات مهرجان ادمان   تربيل الزعيم (3 votes, average: 5.00 out of 5)
loading كلمات مهرجان ادمان   تربيل الزعيمLoading...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *