الأربعاء , أكتوبر 17 2018
الرئيسية / كلمات الأغاني / أغاني مصرية / كلمات مهرجان عالم فاسد – حمو بيكا ومودي أمين

كلمات مهرجان عالم فاسد – حمو بيكا ومودي أمين

كلمات مهرجان عالم فاسد حمو بيكا مودي أمين

شاهد النسخة المكتوبة كاملة من كلمات مهرجان العالم الفاسد من ألبوم حمو بيكا الجديد أُنظر حولك في وقت الحروب يشارك في مهرجان عالم فاسد شبح التوزيعات فيجو الدخلاوي معاه برنس الكتابة كلمات الفاجر الشاعر غناء حمو بيكا ومعاه مودي أمين والوجه الجديد الشاب علي قدورة، يُعتبر المهرجان هذا من أكثر المهرجان حُباً إلى قلبي تقدروا تقولوا إني حافظه كأني حافظ مذكرة الإمتحان وداخل إمتحن فيه لو حصل ده أظن إني هقفل الأسالة كلها ومش هسيب سطر فاضي تخيلوا لو الامتحانات فعلاً تيجي في الحاجات اللي بنحبها وبس كانت الناس ذاكرت بإخلاص وبحب زي ما بتسمع الأغاني والمهرجانات وبتحفظها علشان بتحبها، أقصد لاحظ تلاقي أغلب الناس لوحدهم حافظين كوبليه مثلاً او مهرجان مثلا كامل ولو طلبت منه يكتبه ويسمعهولك إحتمال ماتلاقيش عنده ولا غلطة، السبب مش إن الناس بتحب الحاجات اللي فيها هلس ومسخرة إطلاقاً الإنسان بطبعه يتقبل الحفظ للحاجة اللي بيحبها أضعاف ما يتقبل الحفظ لحاجة مش حاببها بنفس الفكرة مسائل الرياضة علشان تحب الرياضيات لازم تفهمها لو مافهمتش ماتحبهاش وتكون هي عقدتك، الحب برده بنفس الفكرة زي ما بتحب حاجة تحب شخص لازم في أسباب تكون السبب إنك مشدود أو معجب بشخص محدد اللي هي المميزات إسال حبيبك أكيد هتلاقيه بيحب فيك حاجات معينة شدته ليك وحببته فيك خليته يتعلق بيك لإن كل إنسان داخله قدر من الجمال الدخلي ويحتاج إنك تهتم بيه زي ما بتهتم بجمالك الخارجي لما سألت حبيبتي بتحبيني ليه ومالقيتش رد بعدت عنها لأنها بخلت عليا بمشاعرها الإيجابية علشان ماحسش إنها مُغرمة بيا أتخيل ده تفكيرها وأسلوبها مع التعامل مع الناس بتكتم مشاعرها الحلوة وده غلط جداً وبيدمر علاقتك بناس بيحبوك، أحبابنا اللي قاصد أوصله إن كل فعل أو قول أعمله لما تحب تعمله للسبب التالي الحاجة اللي يكون مصدرها حب بتديها كل طاقتك وحواسك كمان خيالك يعني مابتبخلش عليها زي مهرجان عالم فاسد شوف الشاعر الفاجر كتب كلمات المهرجان واتقنها علشان هو بيحب الكتابة والتأليف حمو بيكا ومعاه مودي أمين نجحوا علشان أبدعوا في الموهبة والعمل اللي بيعملوه حابب أقول آخر شيء في مهرجان بركان على أرض النار عامل أداء عالي إذا عايزه في كمان مهرجان ابن الجيهة لحمو بيكا وعموماً ده النظام اللي مبني عليه الكون حتى ربنا طالب مننا كده الإتقان والإخلاص علشان كده إسمع الكلام أسيبكم الآن مع كلمات المهرجان.

عالم فاسد حمو بيكا كلمات مهرجان عالم فاسد   حمو بيكا ومودي أمين
بوستر مهرجان عالم فاسد حمو بيا مع مودي امين والشاعر الفاجر و فيجو الدخلاوي 2018

كلمات مهرجان عالم فاسد حمو بيكا

(اللازمة)

الرمل دي أخطّر سَاحة على المخاليق شَفرات دبّاحةُ عَ الأرض العايشة المرتاحة فيجو الدخلاوي الليلة هيقوم زلزال

(المقطع الأول من المهرجان حمو بيكا مع مودى أمين و أدوره)

هنا أرض ثابت براكينها في حُروبها بتطلّع سكاكينها ليه هقولك ما أنتم عارفينها مُديرية غُبريال

فرعون دباحة من يومها هنا دولة وسُلطة بتُحكمها لو فرقة هتخرب نردمها ووحوش بتثور على العيشة

العَجب في سُوهَاجِ الدولة اللي بتكّسب أول جولة على كُلِ الهيئات تستولى على بيت أبو جريشة

نسور الصعيد يا ملوك السوق بنعّدي فُوق أيها مَخلوق مِنّا الحَكيم تعبّان مَخْنُوق خاطفين أنظار الناس

لمّا إحنا بذوق سيّطَرنا وبكل الطلقات عَمرّنا محمود أبو عَوض ده كبيرنا فَرحةُ إبراهِيم النَحّاس

مِن غير تلكيك ومَساومة آنا هأخدك على واحدةٍ مُقاومة ترجع تاني تلقى مُداومة تفكير صهللة بالنار

في الإرشاد واحدة بكيفها الشارع كان كله عارفها معذورة وبتجيب مصاريفها من تاني عائلة الطَيّار

و يا عالم باللي حاصل يا نكمّل يا لحظة نَواصل نازلكم مَتدهول فاصل وعاملي إنّه الدباح

وآخدك على واحد حملّة ونطّلَع بوازيك من الرملةِ ونترجم في الحربِ الشاملة عَدّينا من جَنّبه سِلاح

يشتم ويبوأ أتبوأ حتغوط هنزل وهغوط وفي ثانية الشارع متّحوط يسألوا مين القناص ؟!

وفي وشّك ليه بتدور ؟

مش جايلك علشان نتّصور !!

من الطلقةِ تترجم وتنور طَلقات من نارِ و رُصاصِ

(الكوبليه الثاني من مهرجان العالم الفاسد)

إنظُر حَولّك لو نايم بُركان متثورج مش نايم على بَحرِ الأخصام آنا عَايم مِش خايف إني أموت

تقّدر على حاجةِ إعملها عَربيتك بتدور فرّمَلها هنا فَركة قَعدت تكملّها ماتأخدنيش هنا بالصوت

وشاكسني فِ أي حكاية ومحضّر فِ الأرض جناية أكون بتقطّع من جُوايا وماقولشِ إن أنا مَجرُوح

مِش خَايف من الدُنيا وشوكها لو بفّة تعابين هفركها هنا فرقَة تسّمَعُ مَعَاركها وفي أي نميجة بتروح

ناس بالحُبِ ماجاتش مَعاها أي أصول ورجولة نسياها مش فارقة يعيشوا بنزاهة تخلّص كُلها بتبيع

يأكلوا يبحلقوا نتحاسب وفي الكل فِ أوجاعك قاصد عايشين وسط العالم الفاسد والناس كلها بتصيع

يقعدوا يتغدوا في بيتنا في الآخر ينكروا عشرتنا أخوات وشقايق في الغالب طلعنا الموجب من السالب

الناس كدابة بتتكالب و بتسرّق أي حقوق هنا جن بيطلع جواسسيها حبة بشر سهران أباليسها

إبليس صَبح هو مؤسسها وعيشتكم حرام في حرام يغدروا لو أكلوا في قصعى حيّات جوه الأرض بتسعى

عجبي عليكم يا ولاد تسعة !

مش شايف فيكم تمام !!

(غناء رتيب بصوت قدورة)

نآمن مين وفي من دمنا خاينين خدوا كتير مننا وناكرين

ومين ندمآن ومين شاف نفسه يوم غلطان تآخد إيه من بجاحةِ العين ؟

في ناس المَال بقى سيدها عَبدوا الحياة و مفاسِدها كُله بأوانهُ متّشَال دي مَاشّية شَمال

(المسا / لمحبي المسا اللي في آخر المهرجانات ده المسا اللي اتقال كامل)

مملكة الصعيد في العالي و سوهاج يعني مَلُوك الآلي محمود أبو عوض الغالي الحج مقامه كبير

فرعون فيها فرحتنا عظيمة أسد الأرض في قلبه عزيمة إنت منور قيمة وسيمة ومرقص كُل الناس

هنقول هيما النحاس تاني ونصحي المخاليق في ثواني اللي يعادي الرمل يعاني فرحة هيما النحاس

حودة النحاس ده الفارس إحنا رجولة تربي مدارس أحلى عرابة براكين وكوارث موطن كُل الأساطير

حمادة النحاس ده الباشا على العالم عامل كماشة في حروبه الأعداء تتلاشى دايماً طلقاته بتصيب

وعلي النحاس ده الفاخر الواجهة الجايب من الآخر إحنا هجوم والباقي يتآخر فرعون مركز تدريب

السيد النحاس أسطورة بيشكل تهديد وخطورة أصحاب الهيئة الغندورة من يومه واجهة وسندال

نننا الفخم ده الجنتل ويا زمايله تملّي مسندل وبيجي دوغري وعُمره ما جندل ورجولته تكفي جبال

هو توينز وجاي بالفورة صُحبته في العالم مشهورة مسا لاخويا شقيقي معمورة من الظهر طول عمره مجال

المخلص في معاركه أصحاله وسط الدنيا بيظبط حاله هو وزير الشباب هو برنس الجيهة الغالي أجدع راجل بالنسبالي

وفي جيهتة علم وكبير آمير الفولي برنس مدينته كله بيهرب من سكينته ومحمد عبده أصحى لفرسنته

هنا طول عُمرنا بشوات فادي الذوق واجهة مشرفة واللي يزاوله لازم يتنفى عُمره في يوم في الشدة أختفى

إحنا أخوات مانجيبش لورا مسا للدخيلة إتقال بنمسي على دي جي عبود من غبريال أرض الأبطال

على حمو بيكا ده ملك السوق مودي أمين صحصح له وفوق شبحنا فيجو الدخلاوي بيعدي على أيها مخلوق على أدورة يعني الكروان سمعت صوته يعني هتروق كَتب كلامنا الشاعر الفاجر بيحُط على أيها حنتوق، خلصنا كده كلمات المهرجان شكراً جزيلاً.

مهرجان عالم فاسد حمو بيكا

لا تذهب دون ترك تقييمك للموضوع

rating start كلمات مهرجان عالم فاسد   حمو بيكا ومودي أمينrating 1 on كلمات مهرجان عالم فاسد   حمو بيكا ومودي أمينrating 2 on كلمات مهرجان عالم فاسد   حمو بيكا ومودي أمينrating 3 on كلمات مهرجان عالم فاسد   حمو بيكا ومودي أمينrating 4 on كلمات مهرجان عالم فاسد   حمو بيكا ومودي أمينrating 5 half كلمات مهرجان عالم فاسد   حمو بيكا ومودي أمينrating end كلمات مهرجان عالم فاسد   حمو بيكا ومودي أمين (18 votes, average: 4.39 out of 5)
loading كلمات مهرجان عالم فاسد   حمو بيكا ومودي أمينLoading...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *