السبت , يوليو 21 2018
الرئيسية / كلمات الأغاني / أغاني مصرية / كلمات مهرجان حرب خدعة – بيكا مودي ونور التوت

كلمات مهرجان حرب خدعة – بيكا مودي ونور التوت

كلمات مهرجان حرب خدعة حمو بيكا مودي أمين

شاهد نسخة مكتوبة كاملة من كَلمات مهرجان “حرب خدعة” غناء حمو بيكا نجم السوق والمتألق مودي أمين مع الصوت الجميل نور التوت والتوزيعات طبعاً لفيجو الدخلاوي اللي حاطط على أي حد والمؤلف المخنوق الشاعر الفاجر، مهرجان حرب خدعة جامد جداً الصراحة وانا جايب ليكم فيديو الأغنية هتلاقوها في الآخر بعد الكلمات مباشرة بيحكي عن الصحاب الخاينة اللي بس تعرف صاحبها وقت المصلحة أو لهدف محدد ويفضلوا يعملوا قصص وحوارات أو بمعنى أدق خية مصيدة لحد ما تقع فيها مش علشان إنت غبي لاء بتقع لإنك راجل تمام بتبقى فاكر إن زميلك هيعز عليه إنه يخونك بس يا صاحبي مش كل الناس زيك، المهم مهما حصل معاك في الدنيا إوعى تتغير من جواك مش لازم تتغير علشان حد يكفيك لما تتعلم وتعرف إن في نوع صحاب جديد معفن ضيفه للقائمة التجارب القاسية اللي بنمر بيها في عُمرنا فايدتها نتعلم منا مش تعلم فينا خليك زي الكمبيوتر فيها سلة مهملات حط فيها أي حد يستاهل يترمى في الزبالة وأمسحه بكل تفاصيل سابها فيك من حياتك وكمل زي ما بيكا بيقول في كلمات حرب خدعة شوفلك بنت حلوة تنسيك أم صاحبك الواطي وخليك فاكر حافظ على صحبة أفضل شخص ممكن تصاحبه في الدنيا وهو إنت ماتخسرش نفسك علشان صاحب مايستاهلش باعك لأي سبب كان وعلشان ماطولش الكلام إسيبكم مع كلمات المهرجان.

حرب خدعة حمو بيكا كلمات مهرجان حرب خدعة   بيكا مودي ونور التوت
بوستر كلمات مهرجان حرب خدعة حمو بيكا مع فرقة فيجو الدخلاوي ومودي أمين ومعاهم نور التوت

كلمات مهرجان حرب خدعة

الجرح واجع قلبي بالفجر اللي طالع / فيجو الدخلاوي

(المقطع الأول من مهرجان حرب خدعة يبدأ الغناء مودي أمين ويرد عليه بيكا)

أشتكينا وأستوينا وإنتهينا من سنين أنكوينا وأنجلينا طايحة مفيش حنين

مين اللي صالح كله مالح كله طايح جرح عين من البداية للنهاية في المرايا واحد حزين

صبحلي صباح مزيكا صحيلي دولة أمريكا نمبر واحد البيكا والباقي في التربة أتمكن

ملبن بالقشطة يا باشا مسيلي على الحشاشة هنا على أعداء كماشة وانا لوحدي المُتمكن

لوز مقشر ليه تكشر يالا نشر طوب رجولتك بارتي ناسف جاي مجازف قلبي حاذف ناسي قولتك

إنت باعني ليه يبيعني خالصة يعني خد عمولتك كل مادة كلام زيادة كام حكاية منها شيلتك

طلقات في السطح تنور ده انا مابحبكش تصور بقى كده كل ما تتهور تعمل فلوطة عليا

ده عشانك مش علشاني ماتقولش الكلمة دي تاني انا صعب عليك تنساني ويا صاحبي لا ليك ولا ليا

إجتنبني بلاش تسيبني إيه اللي جابني معاك يا فردة صورة شوفها ناسي خوفها وفي حروفها زهرة وردة

والزواينة قايمة فايقة أحلى هيئة تقوم مطاردة مش كفيف لكن لطيف ماهيش أليفة دي واخدة فرقة

لا أصحاب ولا حتى حبايب كداب ومكانك غايب من عُمري دفعت ضرايب وياريت في حد إستاهل

دي قلوب عمالة تتلون كُلها من جيبي بتمون مليون جرح بيتكون من الصاحب القاسي الجاهل

(المقطع الثاني من كلمات المهرجان مودي وبيكا)

حرب خدعة ماية لادعة بنت جدعة مفيش خلاص

صُحبة قايطة خلق ظايطة هيد بايتة تعبت أناس

مين مراعي دول أفاعي ماحد واعي مفيش إحساس

طلقة حامية نيّة عامية حروبنا دامية أضرب كباس

هنسى انا صاحبي اللي خنقني وهشوف بت تروقني انا بعد ما هحلق دقني تضرب 100 بوسة عَ خدي

ماهو صاحب غاوي مشاكل فاكر إنه عسل يتأكل ده الذوق وياك مش واكل من الآخر مانتش قدي

لف جوبا هب هبة راح أوربا وراح باريس فركة كافرة دماغي مسافرة فك شفرة في يوم خميس

لبس ضيق جسم زيق مش مهيأ أخو العريس فض دانة فوق معانا دي الخيانة طبع إبليس

أمريكا ده مجال متغندر انا عشقك يا أبو إسكندر إسكندرية عروسة البندر أمريكا دي تحلف بيها

طلقاتها في أي معارك كده ليل ونهار تتعارك أمريكا بالحب تشارك على إسم ولاد الجيهة

(غناء رتيب بصوت نور التوت من أغنية عدى العُمر)

وعدى العُمر مُش خايف على عُمري ، لكن قد اللي فات عُمري ماحسيت إنه فات عُمري

كأني ماعشتش الماضي وهبدأ من جديد عُمري

الشعر إتحنى بريئ الماس والقلب باقي له كتير إحساس فِ ناس شافتني وحبتني

ونآس نسيتها إفتكرتني ونآس عشآآنها نسيت النـآآس فِ الشدة بآآعت ونستني

إحنا كده خلصنا كتابة كلمات المهرجان لحد المسا كله مكتوب كامل وجاء الوقت مع فيديو الأغنية أسيبكم تستمعوا ليها وشكراً.

حرب خدعة حمو بيكا مودي ونور التوت

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *