الأربعاء , أكتوبر 17 2018
الرئيسية / كلمات الأغاني / أغاني مصرية / كلمات مهرجان بركان على الأرض – حمو بيكا

كلمات مهرجان بركان على الأرض – حمو بيكا

كلمات مهرجان بركان على الأرض حمو بيكا

لدينا فقط كَلمات مهرجان بركان على الارض بنوة “على مين بتصيع يا مصدى” للمؤدي الإسكندراني الناجح حمو بيكا مكتوب كَامل مش هتلاقيه في حتة تانية المهرجان بمشاركة نور التوت ومن كلماتِ الفاجر الشاعر مؤلف اللوب اللي عمل موسيقى المهرجان فيجو الدخلاوي والغناء مودي أمين، الفريق ده عامل شغل مكسر بيه الدنيا في مصر هما اللي واكلين الجو دلوقتي تلاقي شغلهم شغال في كل العربيات اللي ماشية، كمان لو نزلت اتمشيت حبة في شوارع مصر هتلاقي الناس راكنة عربياتها ومشغلة مهرجان بران على الأرض وبالذات الحتة بتاعة على مين بتصيع يا مصدي  اشهر كوبليه فيه وبيرقصوا عليها شباب كتير على نفس النظام والشاكلة ده لو مش كل الشباب، صوت الفنان الشعبي ابن مديرية الرمل حمو بيكا يتميز بصوت طخين اللي هي باللغة العربية الفصحى إسمه صوت أجش أظن كده لكن نور التوت صوته موسيقى واللي بيمسك الحديدة في الاجزاء اللي فيها شجن وسلطنة مودي امين، الحكاية كلها وانا شايف ان الرتم السريع في المزيكا اللوب اللي شغالين بيه الفرقة هو سبب نجاحهم لانه جديد ومختلف ولايق الصراحة على الكلمات اللي كاتبها الشاعر الفاجر، عارف ان في ناس كتير وهما من الفئة العمرية اللي بتعدي الثلاثون تقريبا وان قلّوا مش بيفضلوا سماع المهرجانات كمان ناقمين على إنتشار النوعية دي من الموسيقى من الشباب الاولاد والبنات مع العلم إن ده خطأ لان كل جيل وله نوعية معينة من الموسيقى بيفضلها وليه رقص مختلف حتى اللبس والافكار من المأكد انها تتطور مع مرور الزمن، مفيش ناس كاتبة مهرجان حمو بيكا علشان ماتدروش مش هتلاقيه المكان الوحيد المتوفر فيه كلمات مهرجان بركان على الارض هو عندنا ماتتعبش نفسك كمان حاجة احب ألفت نظرك ليها مفيش نسخ هتلاقيها مكتوبة صح كاملة بالمسا اللي فيها غير هنا لأننا بنحب الشغل ده وانا بحب حمو بيكا الصراحة جدا وبحب الموسيقى و اللوبات و كلمات المؤلف بتاع الفريق انا مش لاقي حد على الساحة الفنية يقدر يألف كلام بالقوة ولا بالتنسيق ابداً.

حمو بيكا مع مودي امين كلمات مهرجان بركان على الأرض   حمو بيكا
صورة حمو بيكا مع الموزع فيجو الدخلاوي و مودي امين 2018

كلمات بركان على الأرض حمو بيكا

( اللازمة / بصوت حمو بيكا )

بركان على الأرض بنوة على مين هتصيع يا مصدي شدينا بالطالعة بشارطة

( المقطع الأول / نور التوت وحمو بيكا )

بركان على الارض بنوة مش شغلة بره و جوه غربال دي الجمرة الوالعة من مركز صوت القوة

أبطال من الجيهة الجامدة قآسيين على الناس اللمضة من غربال العالمية العمدة عماد العُمدة

وسع أمدعي مطوتي طرقعي ولعي فرقعي فرتكي موتي

غربال مجدعة وردة مفتّحة ضربات مُربحة طلعوا بفّتي

شامروخ على الجن يعدي على مين هتصيع يا مصدي ؟

ويا دنيا انا هقلق نومتك من النوة لازم تتخضي

حضرلي ألوف وأبعتلي سيوف كمرلي ظروف هنهد الأرض

يا عيال مبولة حايضة مفصولة ومن البترلة هيجيلها البرد

انا مرة معدي بوزنة كان جاي زميلي بالخزنة و سمعنا كلام في الجيهة إللي احنا في حد عاوزنا

شدينا بالدمعة بشرطة من الموقف وقت الكارتة والمرشد ابن الوارمة من أجلي قبض من الشرطة

حضرت الريس و ناديت إبليس أطلع يا بوليس كلنا كلابوش

ضربوا الديناميت و بجمر مُميت طلعوا العفاريت و دخلنا وحوش

ده الظابط جيه حضرنا من ضرب الناس بطلنا انا بجري ومش عارف أجري نطينا بليل على دارنا

كان ضرب النار بالقوة يا خرابي على أمك سوة البت تقول للمخبر فوق مني تعالى اهوة

البيت مخروب وعملت هروب حدفوا بالطوب ولاد المركوب

الناس بيعانا كلها منعانا بنشد الدانة شد يا شيبوب

في العاركة كام دباح باتر هنا أي حد مالوش خاطر ولو وقعت انا مش مجروح  أكيد وقعت عشان شاطر

أكيد وقعت عشان الشاطر أكمني أصل أجدع منهم وفي الحروب كاسر عينهم

ياريتني عمري ما خوفت عليهم دلوقتي نفسي أني أدفنهم

( المقطع الثاني / غناء رتيب )

هنا يبدأ مودي أمين يسلطنا ويقول

الدنيا فيها ظلام داكن الشر قال جنبك ساكن ماجيتش تسأل على صاحبك هنا الغلط مفيهوش لكن !

آدي الصاحب السيء ماهو كتر غدرك بيعي دايماً بتاكل من أكلي كان نفسي أتهنى بشايي “بالشاي”

( المقطع الثالث / المسا آخر جزء في المهرجان كتبته لإن فيه ناس بتحبه تقرأ المسا حمو بيكا ونور التوت )

غربال جنتلة آسية و جنتلة قاسية و مشكلة وسعادي زغللة قائد الأساطير

وعماد العمدة الطلقة الصامدة العائلة الجامدة إسمع يا زميل

لاء مش هنقول ده غلطنا على أي بشر غوطنا على الدوغري أحنا اتنططنا

رنة مطوتي على تكّة كلها تبحث عن فكّة على بيتكم كله يروح أصل الإسعاف في السكة

غربال زرازير تعمل تحذير شد الجنزير بطل تحلّو

كسرنا ازاز وفتحنا الغاز ولعنا بجاز و حرقنا الجو

على مين ضيعت كرامتك واخد المصروف من مامتك هتحن هتيجي على حجري هتسوقها هقل بقيمتك

موسيقى ،، لوب مهرجان بركان على الأرض

يا دخيلة صيتها لامريكا هي إساس المزيكا هنا كل الناس تعشقنا ومودي آمين كلماته عميقة

وشبحنا فيجو الدخلاوي في التوزيع احنا العريكة نوري التركي المتألق و فاجر كلماته طليقة

إنتهينا من كتابة كَلمات مهرجان بُركان على الأرض للعلم فقط قبل ما اسيبكم مع فيديو المهرجان هو أشهر واحد الناس حبته وكان ليه نصيب كبير من المشاهدة على اليوتيوب شكراً جزيلاً لكم وتابعونا دائماً.

بركان على الأرض حمو بيكا

لا تذهب دون ترك تقييمك للموضوع

rating start كلمات مهرجان بركان على الأرض   حمو بيكاrating 1 on كلمات مهرجان بركان على الأرض   حمو بيكاrating 2 on كلمات مهرجان بركان على الأرض   حمو بيكاrating 3 on كلمات مهرجان بركان على الأرض   حمو بيكاrating 4 on كلمات مهرجان بركان على الأرض   حمو بيكاrating 5 on كلمات مهرجان بركان على الأرض   حمو بيكاrating end كلمات مهرجان بركان على الأرض   حمو بيكا (1 votes, average: 5.00 out of 5)
loading كلمات مهرجان بركان على الأرض   حمو بيكاLoading...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *