الأربعاء , سبتمبر 26 2018
الرئيسية / كلمات الأغاني / أغاني مصرية / كلمات مهرجان أخطر أكشنجي – حمو بيكا ونور التوت

كلمات مهرجان أخطر أكشنجي – حمو بيكا ونور التوت

كلمات مهرجان اخطر اكشنجي حمو بيكا ومودي ونور

شاهد كلمات مهرجان “أخطر أكشنجي” مكتوب كامل لمودي أمين مع حمو بيكا ويشارك في فقرة الغناء  نور التوت اما كاتب كلمات المهرجان من حظ الشاعر الفاجر والتوزيعات كالعادة الشبح فيجو الدخلاوي، المزيكا عالية فعلاً وماتعودتناش عليها وديا الميزة اللي تميز فرقة بيكا عن باقي الفرق مع أن قليل جداً لما تلاقي تغيير الموزع أو المؤلف وعلى الرغم من كده كل مهرجان لحمو بيكا بيطلقه بالأسواق بيكون مختلف عن اللي سابقه وده له دلالة عن أنهم يملكون من الموهبة والفكر اللي يخليهم يتربعوا على الساحة الفنية وعن إستحقاق وجدارة، على فكرة ده وعد ربنا بيوعده لكل مجتهد إتعب هتلاقي بيكا أكبر مثال لحد تعب في حياته وحاول وبقى حاجة كفاية حُب الناس الكتير ليه ده لوحده له معنى كبير وهو رضا ربنا عليه لو ربنا ماكنش بيحبه ماكنش رفعه وكرمه وسيبك من الناس اللي تقولك ربنا لما بيغصب على حد بيكرمه وصدقني لكل مجتهد نصيب عندنا أمثلة كتير محمد صلاح أو محمد رمضان وحتى أمير كرارة كل الناس دي تعبت كتير وإجتهدت ومانامتش علشان تشوف وراها إيه وتعمله وكان عندها رؤية وخطة لأهدافها وماشية عليها، ولأن المطلوب منك بس العمل وصول الإنسان لحلمه سُنة من سنن اللي الكون إتخلق عليها تسخيره لبني آدم يعني لخدمتنا عايز إيه من ربنا تاني أكتر من مسخر الكون لخدمتك وهقولكم نصيحة عن تجربة شخصية نفس درجة السهولة اللي بنعمل بيها المعصية هي نفسها درجة السهولة اللي هتعمل بيها الخير كل ما عليك إنك تختار لإن ربنا قال هديناه النجدين يعني الطريقين جواك هتلاقي كل حاجة بتدور عليها عايز تلاقي نفسك ماتدورش عليها برا، حتى لما تبقى عايز تدور على إجابات لأي سؤال شاغل بالك أوعى تضيع وقتك خدها من قصرها وبص جواك هتلاقي إجابة لكل إسالة جات في يوم وحيرت عقلك كل الحكاية هي مستخبية منك علشان إنت مش واثق في الإلهام الرباني اللي ربنا خلقه لنا وعلشان ماطولش أكثر في الكلام أتفضلوا بعد البوستر النسخة المكتوبة كاملة من أول كلمة لحد المسا آخر حاجة بتتقال فيه.

اخطر اكشنجي حمو بيكا كلمات مهرجان أخطر أكشنجي   حمو بيكا ونور التوت
بوستر كلمات أخطر أكشنجي حمو بيكا مع نور التوت ومودي أمين أجمل صور

كلمات مهرجان اخطر اكشنجي

مبخافش الموت عشان نصيب مجنون جوايا لازم أغيب فيجو الدخلاوي

(أول مقطع من كلمات مهرجان اخطر اكشنجى كامل)

الحضرة دي أرض بيت ودار أصحولنا يا خلق بإنفجار من غير تكريت وضرب نار ثورج هتموت

من جبل الحضر أصحى أبيه الدولة الجارحة قولي ليه الفرحة الكبرى يلا هيه هيما الجبروت

الدنيا دي ماشية بالدراع وفي قلب الشر فيه إندفاع عايشين على دنيا الخداع في قلوبنا جراح

منخافش بشر ما هيبنا ناس الواطي نحطه في المداس بالحب أهي ماشية بالأساس من الآخر سايس ترتاح

مابخافش أزميلي لو هموت من قلب النار قاعد بفوت جوايا بموت ما ليا صوت و أخاف من إيه ؟

وفي قلب الخصم جبت جون مكتوبة حكايتي في السجون راجل مظبوط معرفش أخون والخاين أرميه

مالقيتش أصحاب في شدتي ده دراعي و قرشي عدتي أنا لما هجرت صُحبتي انا عشت نعيم

مبخافش لا دول ولا دول ودول وخاربها أزميلي عرض طول ومهما إختلفت الحلول مافي أي زعيم

الشبل فجر من أمتى خاف بين جن و إنس فيه إختلاف وأهو قتل ودفن من اللي شاف عايش في جراح

الحُب بقاله سعر خاص دلوقتي الضرب بالرصاص على الدوغري بتمشي ناس وناس قاعد مرتاح

نقعد و ننادي مين ومين وفي قلب السكة مائة كمين دلوقتي الكل مُتلفين طب مين غلبان!

الجنيه علّي في العراة مين آلش يابني ومين معاه الخوف بقى فاكهة الحياة مين فيكو إنسان

اللي يكدرني ليه حروب طلقات بتقتل في القلوب من كتر الملح في العيون بقيتو هلاهيل

وياك سكينة في النظام أصل إنت شورة المدام عمال ترقص الكلام وتزيد يا عويل

(الكوبليه الثاني من كلمات المهرجان)

مبخافش الموت عشان نصيب مجنون جوايا لازم أغيب وماليش ولا صاحب ولا حبيب مبهابشِ الموت

ورميت أفراحي في الهلاك عايز تعاركني جاي معاك لو جاي هيبقى فيه إرتباك ثورج هتموت

كارّهني عشان أجدع منهم وفي أي شغلة مجننهم عارّفني إني قادر أدفنهم لكن بيحاولوا

ضارب طلقاتي بإندهاش القلب ده بايعه وببلاش الفرح هيجي لو مجاش إنتو هتتزاولوا

أفرح يطلعلي 100 عدو الجو أصاحبي يبقى هَّاوْ حتى الهلهول عاملي عَو وفِ جيهته يثور

حسيت بالشر في العيون طب يالا وريح الزبون العُمر زاولني لاء يهون ده أنا طافي النور

(المقطع الثالث من مهرجان أخطر أكشنجي بالتبادل بين بيكا ومودي أمين)

أخطر أكشنجي في الحياة انا مش كلامنجي آه يآ آهـ لو سألو عني قالو تاه بس أنا موجود

سكينة فِ ضهر أي كينج آنا خالصة معايا إيفري ثينج الضربة أذية ماليها بينج لو كنتو أسود

انا جيت الكل في إنسحاب ربك ده خلقنا من تراب السبع مهابشِ من كلاب ماهو سَبع يا ناس

النفس علاجها في الهجوم العين سهرانة مافي نوم انا مهما وقعت لازم أقوم انا فوقت خلاص

تجرحني هتقسى قلبي مات مجنون يا زميلي عقلي طفل انا عايش عُمري في حكايات فِ الشر فتحت أي قفل

جاب فرد جايبله سحابات وفاكرني هخاف هقوله لاء! ، لأ جاي وياكو راح أدق ولا عُمري في مرة قلبي دق

حبيت ولا طولت أي شيء بس إنتي ملكتي القلب مِلك وفي بُعدك مُوت بالبطيء والعيشة مَعاكي تبقى مُلك لو حد معاكي كان جريء انا أحطه على سكينة سلك

(غناء رتيب بصوت نور التوت منفرداً)

جيهتنا قوة ومَجدعة جيهتنا عالية مَسمعة مليون تحية مَربعة للي فِ الشدة تلاقيهم

آنا إبن جيهتي أنا بعشقه لو حد زاوله أنا هخنقه حضرة يا ناس على مبدأه وولاد جيهتي بخاف عليهم

على وضعنا مِن صُغرنا من يومنا أناس عنينا مليانة ، منهابش حد جدعان بجد والناس فِ حالنا ماهياش سَيّبانا

(يبدأ المسا من هنا كمل لو بتحب المسايات)

أرض الجبل دي مدينة الموت كل اللي فيها سلاح مظبوط فرح الرياسة هيما الجبروت الدعوة عامة للصحاب

سيطرنا وأي شيء متاح عديت على الدنيا بإكتساح تنطيط يا زميلي للصباح تزاولنا تشوف جرح وعذاب

جمعة الجبروت رئيس إدراته دايماً بالحلوة بتيجي سيرته بيدق الحملة وفي حضرته هو فارس نُص الليل

عمر الجبروت الأخ السالك اللي يصد وقت المهالك دايماً نسيب مُلكنا للمالك إنت ساترنا علينا يا رب

صاحب الأرض و صاحب البيت ممنوع قصاده بند التنطيط إنت الزعيم يُسري إنت كبيرنا إنت التوب

إسلام الهندي في المعاملة بيصفي بيوت ودولة كاملة الحضرة أزميلي نارها شاملة

جبل الحضرة أقوى الجبال مابيضربوش بسيوف ونبال هتصيع هنا تخش إستبقال مالكش كارت هتلعب بيه

على حمو بيكا قاهر الأعادي مودي أمين يعني الكروان شبحنا فيجو شبحنا الهادي أغاني يشهد بيها الزمان كتب كلامنا الشاعر الفاجر أما البواقي حبة نسوان

إنتهينا لحد هنا من كتابة كلمات مهرجان أخطر أكشنجي، وأسيبكم دلوقتي للإستماع إلى المهرجان إتفضلوا الفيديو كليب بتاعه تابعونا.

اخطر أكشنجي حمو بيكا

لا تذهب دون ترك تقييمك للموضوع

rating start كلمات مهرجان أخطر أكشنجي   حمو بيكا ونور التوتrating 1 on كلمات مهرجان أخطر أكشنجي   حمو بيكا ونور التوتrating 2 on كلمات مهرجان أخطر أكشنجي   حمو بيكا ونور التوتrating 3 on كلمات مهرجان أخطر أكشنجي   حمو بيكا ونور التوتrating 4 on كلمات مهرجان أخطر أكشنجي   حمو بيكا ونور التوتrating 5 half كلمات مهرجان أخطر أكشنجي   حمو بيكا ونور التوتrating end كلمات مهرجان أخطر أكشنجي   حمو بيكا ونور التوت (2 votes, average: 4.50 out of 5)
loading كلمات مهرجان أخطر أكشنجي   حمو بيكا ونور التوتLoading...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *