الرئيسية / كلمات الأغاني / أغاني مصرية / كلمات مهرجان اه من الايام – المدفعجية

كلمات مهرجان اه من الايام – المدفعجية

كلمات مهرجان اه من الايام – المدفعجية

نقدم لكم كلمات مهرجان ” اه من الأيام ” Ah Men Alayam للفرقة المصرية ” المدفعجية ” Almadfaagya ، فرقة المهرجانات و التي أشتهرت بهذا النوع من الغناء التي تقدمه تقريباً منذ عام 2011 و أشتهرت الفرق التي تقدم هذا النوع من الموسيقي بأنها تقوم بالحديث عن أوجاع الشارع و أحزانه بطريقة غنائية محددة و في قالب معين و مع أن هذا النوع لاقي الكثير من النقد إلا انه مع ذلك وجد بل انه فرض نفسه وسط انواع الموسيقي الأخري الموجودة في مصر بل أن هذا النوع أصبح له رقصات محددة يؤديها مستمعي هذه الموسيقي كما ان مستمعي المهرجانات تجدهم في كل فئات المجمتمع و علي أختلاف أعمالهم و تعليمهم ، بل أنك تجد أغاني المهرجانات في كل أفراح مصر علي أختلاف الطبقات ، نترككم مع كلمات الأغنية حتي لا نطيل عليكم ، أستمتعوا معنا .

المدفعجية اه من الايام 2016 300x225 كلمات مهرجان اه من الايام   المدفعجية
المدفعجية اه من الايام 2016

كلمات اه من الايام – المدفعجية

و الآن مع كلمات الأغنية

اه من الايام صحيت من نومي وانا نعبان

قابلت جارتنا الحاجة سهام مش متفائل ده انا زعلان

روحت الشغل و مش في معادي قابلت الريس عبد الهادي

متأخر ليه يا أفندي خصم يومين في الدفتر عندي

خصملي يومين في دقيقة يادي الحوسة ويادي الضيقة

أسمع مني يا عم حقيقة أنتوا الشغل بتاعكم ضيقة

اديت ضهري لعبد الهادي سيبت الشغل و هو ينادي

مش هوافق انا مش منافق لو تمشي كوسة أنا مش هشارك

عندي مبادئ و كلامي صادق هتسمع قصة خد مني لسه

تايه و محدش ملاقيني الدنيا تاخدني و تمشيني

اللي يسلم قدام عيني انا مش شايف حاجة يا زميلي

ماشي متأثر متحسر و اللي هيسأل صعب أفسر

نفسي أفضفض نفسي أكسر لكن ساكت اه لو هنطق

اه لو هقدر ما كنتش هفكر كنت هزعق كنت هتهور

انا رجلي جابتني لحديه صوت راجل بيقولي يا ابني

قال مالك شكلك متضايق زعلك علي وشك مش لايق

قولتله حاسب وسع سيبني اللي بيحصل مش عاجبني

قالي الصبر بحكمة أصل انا صابر من سنين

فجأة في ثانية فوقت و نسيت وش الحزين

يا بني طول ما الوقت طال ربك فاكرك مش ناسيك

قالي أستني شوية عندك عندي وصفة حلوة ليك

قومت رشقت في الحوار قالي استني انا عطار

هو ده جد ولا هزار انا مستني هنا علي نار

راح العطار واتاخر و أنا قاعد زعلان وبفكر

متكدر قاعد حيران متضايق فاصل فصلان

وصل العطار وقالي خدلك وصفة للصراحة

قولت الصراحة عندي بس مش حاسس براحة

شوفلي وصفة للبجاحة شوفلي وصفة للنفاق

شوفلي وصفة للشجاعة اللي غلبت الأخلاق

ثم من بعد إتفاق راجع تاني للسباق

بس معايا وصفتين للشجاعة و النفاق

راجع بيتي و بأشتياق قلبي دايب من الوفاء

بس كفاية من الغباء عقلي فكر لما فاق

من الليلة أنا مش هتساق أهدي يا حارة كفاية خناق

أنا أخري جايبني معاكو و هنوصل لأتفاق

جري ايه يا معلم عكوة هو ماحدش مالي عينيك

عمال تضرب في صبيك لامم كل الناس حواليك

يالا يا فندي من قدامي خلي الليلة تعدي بخير

انا مش ماشي يا معلم عكوة تبقي تعد نجوم الليل

اخدت وصفة الشجاعة عملت داخلة بكل قلب

بوس علي راس الواد يا معلم يالا يا فندي خدلك جنب

فجأة قلبت و لا شمشون بضرب ضرب و لا المجنون

من النهاردة هحط قانون انا ابضاي الحارة يا دون

راح مفعول الوصفة في ثانية قدامي يالا علي الكراكون

جيت أشوط الكورة في الجون حظي الفقري ورايا هيكون

مهما تكون الوصفة قوية لازم تعند اكتر فيا

بس لسه فاضل وصفة أبفي أنافق وانسي المبدأ

يمكن ليا الدنيا تقرب لازم أحاول لازم أصدق

فجأة عطست وهيا أشتغلت أبدأ تاني أسوق المركب

من حواليا الشكل مكركب هبدأ أعدل هبدا ارتب

فجأه كلامي بدأ يتغير واللي بيسمع ليه بيتحير

هرجع شغلي و هبدا أسيطر ايه اللي هيحصل حزر فزر

قولت يا هادي و رايح عادي فجأة بقابل عبدالهادي

أفضل احايله وافضل ادادي روح علي شغلك من النحاية دي

قولتله ماشي يا عبد الهادي سامع صوت في الهوي بينادي

قالي ده صوت العزي هنا جنبي قوم ده مدير االشركة يا فندي

قولتله خلتي قالي ازاي قولتله لازم ألحق اعزي

قالي اتفضل بس الشاي ما فيش وقت أنا لازم أجري

بعصر عيني ودموعي بتجري رايح العزي و انا ماشي علي رجلي

خالتي حبيبتي فراقك انتي صعب عليا مقطع قلبي

شافني مدير الشركة أتجن وانا بعيط نازل زن

الترقية خلاص مضمونة شكله طب ورق وحن

هوبا لعب الزهر في ثانية و الويك اند بقي في ألمانيا

أخدت حظي قوام من الدنيا شكل حياتي بقت عيشة تانية

الناس عايزة اللي ينافق و يوافق و ينسي ضميره

و انا هلبس وش التعلب نازل الملعب هلعب و اكسب

و اكنها جت علي غفلة للترقية انا هعمل حفلة

هجمع فيها اكبر حراميه و اخد فيها الوصفة الجامدة

بس كنت فاكرها نفاق لكن تقلب هنا بصراحة

اقوم في الحفلة في وسط الناس اتكلم و بكل بجاحة

أه من الأيام أه من الأيام

أنتهت كتابة الكلمات ، تابعونا دائماً

شكراً جزيلاً

اه من الايام – المدفعجية

لا تذهب دون ترك تقييمك للموضوع

rating on كلمات مهرجان اه من الايام   المدفعجيةrating on كلمات مهرجان اه من الايام   المدفعجيةrating on كلمات مهرجان اه من الايام   المدفعجيةrating on كلمات مهرجان اه من الايام   المدفعجيةrating off كلمات مهرجان اه من الايام   المدفعجية (2 votes, average: 4.00 out of 5)
loading كلمات مهرجان اه من الايام   المدفعجيةLoading...

شاهد أيضاً

الاجازات العطلات الرسمية الاعياد مصر 310x165 مواعيد الأجازات الأعياد العطلات الرسمية في مصر

مواعيد الأجازات الأعياد العطلات الرسمية في مصر

مواعيد الأجازات الأعياد العطلات الرسمية في مصر قدمنا لكم هذا اليوم مواعيد الاجازات السنوية والاعياد القومية …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *